Rabbit presenta un orixinal asistente de IA
mércores, 10 de xaneiro do 2024
Aproveitando a
celebración do CES presentouse
un curioso dispositivo chamado r1, que nun tamaño semellante a un paquete
de Post-It e cun peso de 115 gramos integra un procesador MediaTek Helio P35, 4
GB de RAM, 128 GB de almacenamento, conector USB-C, rañura para tarxeta SIM, Wi-Fi,
pantalla táctil de 2,88 polgadas, un botón, unha roda de desprazamento e unha
cámara rotatoria, que promete tirar proveito da intelixencia artificial para
que poidamos traducir as nosas palabras en accións.
Falamos dun produto que pode lembrarnos á proposta
de Humane, que quere comercializar o seu Ai Pin por 699 dólares aos que
haberÃa que sumar unha conta mensual de 24 dólares, pero desta volta o
dispositivo só custa 199 dólares e non precisa de subscricións para funcionar,
polo que ten unha porta de entrada moi accesible.
Este trebello funciona con Rabbit OS, un sistema operativo construÃdo sobre un grande
modelo de acción (LAM) que promete aprender das intencións e o comportamento
dos humanos cando empregan certas aplicacións para poder imitalo e poder
empregalas no futuro con axilidade e fiabilidade. Incluso poderÃa interactuar
con servizos que contasen cunha API sen ter que instalar a aplicación
correspondente. Deste xeito facilitarÃa a realización de accións sen unha
intervención directa do usuario, simplificándolle asà moitas tarefas.
A interacción co dispositivo realizarÃase mediante linguaxe natural, de xeito
que poderiamos realizar tarefas sinxelas como acender unha luz ou comprobar a
predición meteorolóxica para mañá, asà como tamén poderiamos encargarlle a
realización de operacións complexas como facer unha reserva de hotel ou
realizar a compra diaria nun supermercado en liña.
Haberá que ver se este produto cumpre co que promete e se o público está
disposto a adquirir asistentes de IA como dispositivos de hardware (aÃnda que
conten cun deseño curioso que pode lembrarnos a un Tamagotchi), xa que parece
bastante razoable pensar que este tipo de funcións poden integrarse directamente
nun smartphone, en vez de ter que cargar cun dispositivo adicional.
VÃdeo de presentación do r1 de Rabbit